Biltur og safari

Siste kvelden i Cape Town reiste me til Waterfront for å ete. Eg var fast bestemt på at eg SKULLE ha fisk. Sidan Zambia har litt mangel på hav, er det heller ikkje så mykje fisk der, så eg har ikkje ete fisk sidan eg var i Noreg. Sidan Cape Town ligg attmed havet, tenkte eg at det måtte vere mogleg å få fisk. Og det fekk eg, men det var ikkje Sør-Afrikansk fisk, det var norsk laks! Super godt : ) Sidan me skulle tidleg opp neste dag, vart det ein tidleg kveld i Cape Town.

4 nobelprisvinnarar, (hugsar ikkje kven han heilt til venstre var) Desomnd Tutu, Klerk og Mandela

Waterfront

Neste morgon vart me henta litt før sju også reiste me til flyplassen. Flyturen til Durban tok om lag to timar, og i Durban hente me leigebilen som var med i pakken. Me køyrte 42 mil nordover til KwaZulu-Natal-området. Der var me booka inn på Mkuze Falls Private Game Reserve. Beskrivelse i reiseprogrammet: ”Dere drar på leting etter de ”uoppnåelige Big Five” (elefant, løve, neshorn, bøffel og leopard). Fantastiske dyreopplevelser i fem stjerners lodge, og en helt unik safari opplevelse er garantert”.

Pappa prøvar å venne seg til å køyre på feil side! "Alt er jo motsatt av hva jeg er vant til"

På veg mellom Durban og lodgen 

Etter å ha køyrt ein del timar på motorveg tok me av og køyrte på ein skogsveg og 15 km inn i bushen låg lodgen. På vegen såg me (mange) impala, gaselle, andre liknande dyr, struts, SEBRA (det har eg ikkje sett før i Afrika) og nasehorn, så me skjønte at me var på veg inn i safari-land! Lodgen var kjempe fin, med eit elektrisk gjerde rundt slik at dei ikkje skal få besøk av ”the Big Five” (løve, nashorn, leopard, bufffalo og elefant).  All mat, drikke, safari og liknande er inkludert i prisen. Middagen bestod av 5 rettar, der hovudretten var impala! Det var 13 andre gjestar utanom oss der tre var svenskar og resten nordmenn! Eit resultat av kven som har hatt minst problem etter finanskrisa?
Luksusen her er noko anna enn eg er vant med frå Livingstone, så det blir skikkeleg deileg feriekjensle for meg! 

Impala byrjar å bli eit vanleg syn for meg no, og var så klart det første dyret me såg på veg til lodgen

Struts :)

Ein "vannbukk" (mi oversetting)

Me hadde ingen planar om å ut av bilen heller!

Lodgen

Rommet mitt

Onsdagsmorgon vart me vekt klokka 05.00 og fekk litt å bite i før me reiste ut på safari. Då var eg klar til å gjere eit oppgjer med løvene som eg hadde eit litt ublidt møte med i Botswana. Det var ein norsk familie på fire med oss i bilen, og me køyrte for å leite etter løvene først. Etter å ha køyrt ei stund kom me til eit vatn og der fant me løver! Ein flokk på ca. 12-13 stk som låg attmed vatnet, leika og slappa av. Denne gongen var det ikkje fullt så skummelt, for det var ingen som reiste seg i bilen slik at løvene la merke til oss! Etter at me hadde sett på løvene ei stund, kom det ein flokk på om lag 25 elefantar som og ville vise seg fram for oss! Dei drakk vatn, markerte seg og yppa litt med kvarandre. Eit fantastisk syn!

Trackeren sit til pynt framme på bilen, men når me kom til løvene sette han seg bak til oss.

Fekk litt dajeavu når denne gjekk forbi meg der eg sat, men den var ikkje fullt så skummel som den svære hannen i Botswana!

Flotte, men late dyr!

Nesten heile gjengen samla

Ein liten flokk med elefantar som kom for å drikke

Me trudde dei kosa, men dei prøvde visst å finne ut kven som var tøffast

Eg hadde vore litt skeptisk viss eg hadde såtte frampå den bilen!

Møtte på ein flokk med gnuar på veg heim

Gribbar

Klokka 15.30 skal me ut på ny safari, det er litt overskya i dag, men forhåpentlevis får me sett litt solnedgang og!